黃翠如有喜?唐詩詠請纓幫閨蜜計算邊度造人好

2022年01月24日 18:03
東網電視
更多新聞短片
藝人唐詩詠、陳山聰、姚子羚、伍允龍等今日(24日)在將軍澳電視城為無綫劇集《鐵拳英雄》宣傳,主角陳展鵬則因身體不適缺席。唐詩詠被網民質疑雙眼做過微調,現時眼晴比3年前拍攝劇集時較大,雙眼皮較深,但被指眼神以前較有靈氣,她則否認說:「多謝,有留意好過冇留意,自己唔介意人哋去微調,總之靚就得。(咁你有冇微調?)人生每個年紀都會有啲變化,自己有啲紋都冇去打針,自己係崇尚自然,如果硬咗就做唔到戲。」
講到閨蜜黃翠如被傳有喜?她笑說:「佢條腰幼過我,係嗰件衫粗身啲啫,之前諗住谷肥佢,變咗肥咗自己。當然冇,有佢會同大家講,大家唔好畀壓力佢,每對夫妻都有佢哋嘅計劃。(佢北上咗咁耐都造人唔成功?)可能北上個方位唔啱佢,下次試吓東呀、西呀,我同佢計計先。」她表示最近努力學煮餸,打算新年親自下廚煮給家人吃,但也會買外賣,支持受疫情影響的飲食業。