《姐姐3》最終名單︱李冰冰被Foul　AGA驚喜現身

內地綜藝節目《乘風破浪的姐姐3》曾多次出現唔同嘅藝人名單，對上一次就流傳過內地影后李冰冰、天后李玟將會台上交手，加上有Twins、胡杏兒、金馬獎影后賈靜雯、王心凌、徐冬冬等助陣，卡士之高實在令人興奮。點知今次又有「浪姐3最終陣容」為題嘅新名單出爐，共17名歌手13名演員，當中就見到李冰冰同胡杏兒已經被Out出List，不過就驚喜見到港人熟悉嘅歌手AGA（江海迦）「現身」，似乎令節目更有新鮮感，另外亦見到香港代表溫碧霞、李若彤將會出戰，網友都等睇佢哋會組成女版「大灣區」。名單仲寫到明節目現正在招商，預計三月初錄製，即係過多兩個月就會知真正名單。