經理人公司開口鬧　高聖遠高調否認撻索企業家

內地影后周迅前夫高聖遠近日有傳戀上越南索女企業家阮圖妮（Tuni），二人親密合照曝光，惟女方極速出手否認拍拖，更強調高聖遠大佢24年，唔會發展父女戀，不過緋聞依然傳遍全亞洲，搞到今日（25日）當事人高聖遠終於都忍唔住發聲，喺社交網轉發其經理人公司不滿今次傳緋聞嘅Post，開到聲要求高聖遠唔好再同女士單獨合照：「以後不要單獨再跟女生拍照，不然很難解釋。還會引起誤會。不太好喔……」而高聖遠就留言認衰仔，高調否認撻着索企業家：「Yeah we’re just friends,but I have no idea why this became news in the first place?（我哋只係朋友，我都唔知單緋聞係點樣嚟…）」