TFBOYS硬撐易烊千璽新片上映　包場請粉絲任睇

男團TFBOYS成員易烊千璽，成影壇新貴，舊年參演嘅《長津湖》更大破中國電影紀錄，早就做咗「億烊千璽」，連續兩年進佔福布斯中國名人榜第1位，而今年新年賀歲片檔期，佢自己就有新作《奇蹟．笨小孩》同《長津湖之水門橋》同時上畫，正當粉絲都諗緊應該點分配時間支持偶像之際，TFBOYS另外兩位成員王俊凱、王源就出錢力撐兄弟，分別喺各自工作室公布包場支持易烊千璽兩套新片，仲公開邀請粉絲到場睇好戲，幫易烊千璽增加票房收入，即被網友大讚三兄弟友誼之深令人羨慕，似足「神仙友誼」。