偏愛事業男　麥貝夷唔介意倒追主動約食飯

歌手麥貝夷與形象指導許嘉浩在上環出席活動，麥貝夷接受師傅指點愛情運，贈言她在愛情路上需要多作出主動，她說：「本身係比較怕醜，雖然好多嘢講，但唔識去主動。自己係妹妹型性格，鍾意大哥哥，鍾意啲事業有成，專注工作嘅男士，身邊都有呢啲男士，要睇緣分喇，會主動啲約食飯，交個朋友冇所謂。」

出現過情緒問題的她指現在已經好得多，近期亦嘗試以健康食品調理情緒。工作方面除了會出新歌，亦有機會拍電影，而本身是英文老師的她，則因疫情要轉為網上授課，為此要經常宅在家中。