青春不要臉︱戴祖儀每日一咀丁子朗 讚好咀又香

2022年01月25日 18:01
東網電視
更多新聞短片
藝人丁子朗(丁丁)余德丞、戴祖儀及游嘉欣等,今日(25日)現身電視城,出席劇集《青春不要臉》宣傳。一班演員齊齊穿上校服,領取「藝訓班畢業證書」,又大談觀眾對他們演出的反應,祖儀表示:「大家覺得我塊面大過個蛋糕,會努力減肥。」她又自爆日前再次跌倒受傷,似乎黑運未過!
丁丁則主動提到自己與祖儀戲中的咀戲及sweet爆拍拖場面、又指雙方粉絲都先後在社交網留言「放開個男/女仔」,他更預告激情戲「陸續有嚟」。祖儀則表示拍攝期間幾乎「每日一咀」,所以都數不清究竟有多少場吻戲,但大讚丁丁說:「佢好咀,而且係香嘅。」
問到拍攝時會否感到尷尬?祖儀說:「起初都會嘅,因為以前嗰啲咀戲都係蜻蜓點水啫,但依家睇番當時嘅演出,又會覺得好sweet。」問到丁丁是否「咀出真感情」,他爽快說:「拍嘅時候真係有。」祖儀補充:「佢咁高質,不過唔輪到我,事關吳若希已經Mark實,話丁丁20年後要娶佢個女!」丁丁聞言笑說:「我都叫吳若希做未來外母,佢真係好好,煲湯又煮飯畀我食。(咁你未來老婆仔呢。)每次見到佢都會攬攬抽吓水咁、希望20年之後佢仲記得子朗哥哥啦。」