張達倫扮鬼向鄭俊弘吐芝麻糊

藝人張達倫早前應洪永城邀請，參與劇集《凶宅清潔師》拍攝，劇中達倫飾演洪永城的父親，更要化上鬼妝拍攝，達倫坦言超級辛苦，他謂：「我第一次化時直頭敏感，出晒紅疹，同埋我要戴黑色隱形眼鏡，第一次戴時我都驚，佢哋講到好難戴、好恐怖，話洪永城戴完流眼水流咗10鐘，不過我戴完又冇問題喎！同埋好快就戴到，對CON好大，可能我對眼比佢大好多啦！」他又指整個鬼妝相當驚嚇，去廁所照鏡都不敢望，簡直不覺得是自己。

他又大爆拍攝時最「惡心」一幕，達倫謂：「有次我要含住啲芝麻糊嚟拍，因為工作人員用凍水開，結果開唔勻，搞到我成口粉，之後我又要吐向鄭俊弘（Fred）同沈可欣，第一口吐向Fred時我自己都覺得好核突，仲吐咗入佢個口入面，我叫佢放心，因為拍嗰陣我啱啱做完檢測，一定冇事嘅！」