曾孖前夫亮相！阿嬌疑離婚後再登《吐槽大會》爆料

女星鍾欣潼（阿嬌）唱歌、跳舞、演戲、綜藝瓣瓣掂，而曾頻頻爆金句口才了得嘅佢，近日更揚言要加入棟篤笑行列，佢喺社交網晒出與一眾內地棟篤笑演員嘅合照，並留言笑指：「加入脫口秀（棟篤笑）行列，我與脫口秀的距離大概只差一張合影。」相片一出即引起網民熱議，估計阿嬌將會亮相棟篤笑節目《吐槽大會》新一季擔任嘉賓，不過亦有粉絲擔心阿嬌的「港普」未能應付：「就是鍾小姐對於自己的煲冬瓜非常的自信。」其實阿嬌於2020年曾與前夫賴弘國亮相《吐槽大會》，故如果消息屬實，將會係佢回復單身後再次亮相該節目。