港星北上大敍會 容祖兒黎耀祥「Sing Sing」相識

2022年01月27日 00:01
東網電視
更多新聞短片
藝人黎耀祥(祥仔)、蔡少芬(Ada)、鄧萃雯(雯女)日前於內地齊齊為湖南衞視綜藝節目《你好,星期六》擔任嘉賓,三人於台上合唱一曲《慢步人生路》。而同場更有容祖兒及Twins擔任特別嘉賓,現場獻唱一曲《朋友》令人聽出耳油。節目後,四位來自香港的同鄉們相約一起吃飯,過程愉快。雯女將大家的合照放上社交平台,更留言謂:「他鄉還故知,笑得甜笑絲絲!」
祥仔接受東網訪問時,坦言已返回香港,明天(28日)會出席無綫新劇《輕.功》造型記者會,準備開工拍攝。講到與Ada久別重逢,祥仔坦言:「以前同Ada都一齊拍過幾套劇,好似《壹號皇庭》、《魔刀俠情》,以前大家成日喺化妝間周不時都會碰頭,今次一見面大家都不停講家事,仔女呀、返學呀咁,都傾到雞啄唔斷,要啲工作人員催我哋埋位,真係太耐冇見!」而祥仔與雯女近期第3次合作,問到是否很多活動都找他們拍住上搵銀時,他謂:「咁啱啫!我哋又冇專登約定,都係人哋搵到,咁啱大家又夾到時間,不過都係嘉賓形式,大家唱吓歌咁!」