羅志祥被寸忽然撞樣吳亦凡　10字真言回贈

因為一個跨年舞台而極速翻身嘅台灣舞王羅志祥，佢依家真係做咩都有人畀Like，重拾當年嘅天王架勢，尋日（26日）佢就喺社交網上載咗三張自拍，但唔合係角度問題，定Filter出事，佢竟然忽變巨眼V煞面，加上頭戴冷帽包實晒啲頭髮，個樣真係似足ET，有網友就直接留言，寸佢個樣好似被列為「劣迹藝人」嘅內地藝人吳亦凡：「修太多了 乍看還很像 吳籤（吳亦凡）...」對此，即刻有歌迷晒出最新影片佐證羅志祥真係瘦晒，而羅志祥都親民回應：「哈哈哈 沒事。愛呀 沒修呀 就調色而已。」睇嚟佢都要出個Tune色教程等粉絲學吓嘢喇。