豬籠入水出新歌 陶大宇自爆買衫終於唔使睇價錢

20220127
東網電視
更多新聞短片
藝人陶大宇到花墟宣傳賀年新歌《紅陶大宇喜迎春》,希望歌曲在虎年能帶歡樂給大家,他笑說:「首歌喺內地錄,以我嘅資質,一個下午就搞掂啦,不過,始終我唔係唱家班,要多謝製作人畀我嘅鼓勵同信心,自己嘅戲劇作品就多,第一次擁有一首自己嘅歌,感覺好開心。」
問到大宇可會為新歌拍MV?他說:「原本計劃喺花墟拍買花、運吓桔,同市民喜氣洋洋,可惜依家情況唔許可,最後只能夠將錄音花絮剪輯。(網民投訴新歌曲入面嘅招牌『噓』聲唔夠多?)原本是連『噓』都冇,係我提議加落去,我覺呢個特色一定要,係首歌嘅關鍵,希望『噓』一聲,開心嘅保持氣勢,唔開心嘅就噓走衰氣。」
憑翻唱《倒轉地球》爆紅的他被問到是否豬籠入水?他說:「有工作就有收入,冇特別去計多少。(買禮物獎勵自己?)我部車揸咗10幾年都冇換過,唔會一手鬆就身痕,應付到基本需要已經好滿足。不過以前買衫要先睇價錢牌,依家就睇靚唔靚,可以長期係咁都好幸福。」