鐵拳英雄NG片曝光︱姚子羚扯爆鐵鏈　陳展鵬忘記對白搞笑收場

由視帝陳展鵬、視后唐詩詠、姚子羚、伍允龍、王君馨等主演的無綫新劇《鐵拳英雄》，播映了將近3星期，最近「SEE SEE TVB」的社交網就上載了一段NG花絮片，將片中的演員NG片段集結，其中有道具好易爛、演員忘記對白等。而視帝陳展鵬演演吓突然爆咗句「唔記得咗添」，而佢仲有講英文「Bye bye」、「OK啦」以及「Call我哋」等對白，不過就頻頻食螺絲，而其中有一幕姚子羚雙手被鐵鏈鎖住，佢大力掙扎相當入戲，但一用力就扯爆條鐵鏈，佢個表情即時呆晒，場面相當爆笑！