姚子羚孖陳山聰床上激咀有難度:要拗腰瞓落去!

2022年01月27日 19:01
東網電視
更多新聞短片
藝人陳山聰與姚子羚多次於劇中飾演戀人,而二人於現時播映的無綫劇集《鐵拳英雄》中再次戀上,昨晚(26日)一集,山聰為了幫子羚戒掉毒癮,狠心綁她於櫈上,山聰於劇中的角色情感上有很多層次,他既是一名泰國警員,但又暗中不斷幫忙唐仁街的居民等人,角色亦正亦邪,演技甚有發揮。
獲讚「視后級」演出
子羚的演出更獲網民大讚演出「視后級」質素,子羚於劇中受盡兄長欺凌,更慘遭打毒針染上毒癮,於極無助之際,幸而得到山聰幫助,而今晚(27日)一集中,二人更擦出愛火,有場床上激咀戲份。而山聰今日亦將二人的咀嘴照放上社交平台,留言:「會唔會係你哋最期待嘅畫面?連棘(山聰角色)、同金福妹(子羚角色)今晚唔係唔睇吓話!」
山聰個Post一出,即引來不少圈中好友留言,大讚他們這條線很浪漫,而子羚的好姊妹胡定欣留言:「尋晚福妹凍,你淨係畀條紗巾人,今晚仲已經錫錫,福妹……唔好呀!」子羚亦即回應定欣說:「以退為進!」相當搞笑。
一Take過搞掂
山聰接受東網訪時,被問到網民指他與子羚本身相當老友,拍起咀戲時會否特別尷尬時,他說:「梗係唔會啦!因為我哋《同盟》開始已有默契,大家好有信任,拍呢場咀戲我哋係一Take過搞掂,網民好鍾意我哋呢對CP,睇得好肉緊、投入,好多謝佢哋捧場。」姚子羚亦坦言不尷尬,但笑言:「但係要錫住咁瞓落床真係有啲難度,要拗晒腰,因為張床唔係床褥,係木板嚟,山聰都要扶住我,唔可以一嘢撻落去。」