當胡鴻鈞冇到！蔡思貝余德丞「情侶」關係浮面

藝人蔡思貝、余德丞曾被指是「一對」，2018年余德丞因踢波昏迷一度要入ICU，當時思貝亦有到醫院探望，不過二人多次大方表示只是朋友關係，思貝亦曾強調私下從冇與余德丞單獨約會，更向德丞大派檸檬謂：「我外形係佢鍾意嘅類型，但靈魂佢唔鍾意，我哋唔係情侶嗰種。」

現時思貝與胡鴻鈞的情侶關係逐漸浮面，思貝跟德丞亦毫不避忌單獨約會，思貝今日於社交平台上載多張照片，原來是她跟余德丞「撐枱腳」時拍下的，而有多張思貝的單人相，都是如「男友視覺」般拍出來，德丞終於一嘗「男友」心願吧！

二人今次約歡聚，思貝接受東網訪問時謂：「因為之前一路要開工，所以都好耐冇見，今次我哋都係即興約出嚟，話說咁啱依家J2重播緊《緬甸奇幻旅程》，我哋就傳短訊畀大家，話嗰陣真係好青春、好懷念，而約出嚟嗰日正係我農曆生日，所以咪順道慶祝埋囉！」問到思貝有否捧余德丞《青春不要臉》，思貝說：「有呀！我睇晒咁多集，佢個題材好吸引，講訓練班追夢，劇入面服飾、氣氛好懷舊，我自己都係老土怪，好鍾意睇呢啲。」