Baby離婚︱黃曉明擁48間關聯公司　冇一間關老婆事

內地影帝黃曉明及Angelababy官宣離婚，消息震驚全城。二人透過工作室公開表示會共同撫養仔仔「小海綿」，小朋友嘅問題Settle咗，大家就轉為關心二人財產點樣安排。翻查資料，黃曉明嘅關聯公司共有48間，其中存續狀態有32間，包括北京明嘉投資管理有限公司、北京易乾影視文化工作室等，涉及影視、餐飲、科技、服飾、商貿、投資等多個領域。所有存續企業中，黃曉明擔任5間公司的法定代表人、31間公司的股東，並喺3間企業中任職高管。

至於Baby關聯嘅公司共3間，包括徐州歡穎文化傳媒中心（有限合夥）、天津天穎文化傳播中心（有限合夥）、上海光穎文化傳播工作室（有限合夥），楊穎均擔任股東，持股比例均為99%。從兩人關聯企業嚟睇，黃曉明與Baby並無直接商業關聯，即係二人各有各賺錢，財政獨立。