鄭俊弘爆何雁詩做暴食孕婦 六月完劇準備陪生

2022年01月28日 17:02
東網電視
更多新聞短片
藝人鄭俊弘與蔣祖曼等在將軍澳電視城為劇集《輕.功》試造型及拜神,鄭俊弘與太太何雁詩最近宣布有喜,首次做爸爸的他指看見太太的肚子愈來愈大,心情又緊張又興奮又開心,但因疫情太太亦少出街,留在家中上網學習音樂課程,他說:「BB動作亦愈來愈多,同佢傾吓偈、唱吓歌畀佢聽,佢聽到莫扎特嘅歌曲反應最大,直情好似喺度打觔斗,聽到我哋嘅歌就冇乜反應,太太不停唱《投降吧》畀佢聽,希望係佢識唱嘅第一首歌。」
鄭俊弘指太太預產期六月,剛拍完劇集可以陪太太生BB,問到太太佗BB後性情可有轉變?他說:「又冇乜,係攰啲夜晚都要同佢按摩背脊,同埋以前唔食甜嘢,依家成日叫我買蛋糕、甜品畀佢食,臨瞓前會肚餓,張床附近好似變咗士多咁,好多零食,同埋好想食薯條快餐,都要控制住佢。」
蔣祖曼在劇中則與鄭俊弘有感情線,加上首次拍攝輕鬆小品劇集及與視帝黎耀祥合作,心情也有點緊張,她說:「劇裏面好多好戲之人,仲要有好多揸車戲,自己手車其實都幾危險,所以都有啲緊張。劇本一路睇自己都一路笑,希望能夠做到,對自己都係一次突破所以都有啲壓力。」