歌神激罕拍片見人　張學友鬚根Look嚴肅賀新年

歌神張學友日前舉行線上記者會，宣傳演唱會精裝CD同藍光碟，又宣布2022年拍番戲，明顯有心回歸幕前，而鮮有露面嘅佢，近日就激罕為媒體拍攝新年祝福片，令大家可以見到學友！不過今次片段一出，60歲嘅佢竟被網友指滄桑唔少，皺紋增多、身材變瘦，不過舉手投足間仍Keep到天王風範。梳三七分短嘅佢，戴黑色圓框眼鏡，留埋一撮鬚仔，神情略顯嚴肅，沉穩送祝福，網友仲話佢好有長輩嘅感覺添。而學友就專門祝福粉絲，喺新一年新年快樂、萬事如意。