伍樂怡晒舞技夠驚艷　孖余德丞自認冇天分

無綫小花伍樂怡於無綫劇《青春不要臉》，聲線及演技等問題一直受到批評，但昨晚（28號）一集，她於茶記孤單地吃牛奶蛋治一幕，成功演繹出離別愛人的不捨、心痛及無奈，挽回不少分數！除此之外，劇中她的跳舞戲亦演得相當不俗，為了跳好一場「離別之舞」，她與另一「舞癡」余德丞事前總共接受了約一個月時間的特訓，每次時間長達數小時，更由室內排練至室外，相當用心。

伍樂怡事後受訪時坦言拍攝該場口壓力大：「熟悉我嘅朋友都知我跳舞冇乜天分，我同余德丞比一般人要花多2、3倍嘅時間同努力去練習，因為監製話呢隻舞好緊要，因為係好浪漫同好慘嘅，所以我哋跳同練嗰陣都有啲壓力。最難嘅地方係唔止跳舞，仲要做戲，表情各方面都要做足。我本身記舞步已經唔叻，仲要同時記住自己嘅情感，因為一跳完就分手喇嘛，所以跳呢隻舞重點唔係點去記個舞步，而係要將佢變成肌肉記憶，即係任何時候都可以主動跳出嚟，咁先可以多番啲專注力喺啲戲上面。」