身高185cm的「聲夢」學員張馳豪（Aska）除了身形高大，在無綫節目《男神廚房》更顯示煮得一手好餸，懂得下廚的男士自然更受女粉絲歡迎。

原來他懂得下廚因為獨自到外國讀書，他笑說：「自己煮西餐好啲，喺外國都係經常煎牛扒，都係自己煮自己食，攞自己嚟做實驗慢慢練番嚟。自己都好想開一間餐廳，朝早賣早餐、咖啡，夜晚就酒吧型式，自己好鍾意調Cocktail。」