楊丞琳懷舊Disco造型驚艷全場　亂入《華燈初上》做小姐

台灣歌手楊丞琳近日亮相內地節目《閃光的樂隊》，新一集佢以復古Disco造型示人，鮮綠色恤衫配珠片裙，再加上波浪短髮並戴上頭箍，即時驚艷全場！唔少網民都大讚佢神駕馭懷舊Look，更有網友指佢簡直可以亂入劇集《華燈初上》飾演其中一位酒店小姐，佢就笑指：「好好好！一堆人覺得我可以去光上班，那你們要跟老闆推薦我啊！是不是？」仲叫大家幫佢改名：「幫我取個適合的小名吧！要可以吸引客人的，好記、好唸的那種喔！復古的士高莫名變成華燈初上，mama請問我適合到光上班嗎？」網民就提議佢可以叫「阿琳」、「琳達（Linda）」等。