松岡李那疑有新戀情：我快樂因為有你！

擁有33C「蜜桃胸」嘅日模松岡李那，去年被爆與富商共進晚餐，之後又傳出與同門師弟羽生田挙武相戀，不過都係得個傳字，一直未有真命天子嘅佢昨日（30日）36歲生日，佢喺社交網大晒多張包場開派對嘅靚相，見現場有大量氣球布置，而壽星女着上金色吊帶晚裝長裙，Deep V勁晒事業線，相當搶眼。不過相中只見佢一人入鏡，未有其他朋友，加上佢留言表示多謝「你」，仲講到明：「I am happy because of you！（我快樂因為有你！）」未知係咪暗示有新戀情，孖男友共度生日呢？