拍劇10年　張彥博望演反派求突破

近期染了一頭淺紫色頭髮的張彥博給人耳目一新感覺，新年在myTV SUPER更有賀年綜藝節目《虎年夠Chill食玩遊》出街，他說：「自己想轉吓形象，染咗頭髮之後，好多人都話認唔到我，感覺都幾Fresh。其實本身好多白頭髮，平時拍劇幾乎每星期都要染一次黑色，最近唔使拍劇連戲，所以就去咗做漂染，一路試吓唔同顏色，唔係入劇就冇得玩。」

入行17年的他單是在無綫拍劇已經10年，今年將會攞公司的「老人金牌」，拍劇上亦希望尋求新突破，他說：「自己畀人感覺太乖仔，都想轉戲路，想挑戰唔同角色，希望挑戰一下做大反派。人哋覺得我個樣好善良，做反派效果反差應該會好大。」

場地：Mini Hotel（銅鑼灣）