曾跟周星馳對賭︱「法國賭神」王敏德細佬近況曝光

大家仲記唔記得1991年上映的《賭俠II上海灘賭聖》，除了周星馳、鞏俐及吳孟達等人主演外，原來當年仲有一個角色相當搶鏡，就係「法國賭神Pierre Cashon」喇，而呢個角色就係由王敏德細佬Declan Wong飾演，片中佢同星爺於賭枱上對賭，鬥得難分難解！

王敏德家有三兄弟，大哥王盛德、及細佬Declan Wong，三兄弟都喺娛樂圈發展過，王敏德演出過多部香港電影及劇集，而王盛德就喺美國發展，曾參演多部荷里活電影，更與香港時裝設計師張天愛結婚，不過最後離婚收場。而Declan 在娛圈發展平平，只演出過《縱橫四海》、《賭俠II上海灘賭聖》及連名都冇落的《與鴨共舞》，而代表作當然就係「法國賭神」喇。

事業發展平平，所以Declan近年都移居到外國生活，轉行做釣魚教練，2009年更開設視頻頻道分享生活影片，年前更他創辦旅遊公司，專門教客人玩飛繩釣魚，不過離開了娛圈嘅佢就疏忽保養，網民都話佢樣子蒼老，感嘆歲月不饒人，唔似王敏德咁仲係一名型佬。