洪永城第一次以老竇身份過年　晒愛的宣言冧妻

藝人洪永城同老婆梁諾妍嘅愛女Amber去年12月出世，到依家都只係僅僅兩個月大，一對新手爸媽加埋愛犬，今年第一年「一家四口」咁過，就算冇得出街，都梗係要影相留念吓。二人就將阿女着到紅卜卜咁，頭上仲戴埋大大個髮箍，一睇就知佢哋真係有幫個女悉心打扮，一家四口仲齊齊影全家福，而洪永城同梁諾妍就各自晒出老公／老婆視角相，幾咁Sweet！網友就發現洪永城啲單人相幅幅都未Ready咁款，而梁諾妍啲相就以「魔鬼角度」高炒，睇嚟佢兩個都唔係咁識揸機啵。不過洪永城啲留言就甜到漏：「大家恭喜發財，各自各精彩，尋找到你嘅世界，繼續虎中作樂 ????????@inez_leong 無論你眼裏有冇我，我都只有你。」