終於撇甩林正峰　游嘉欣與吳偉豪談情搵新鮮感

藝人游嘉欣（游游）於無綫重頭劇《回歸》內與吳偉豪飾演一對，她笑說：「終於有新拍檔，唔使成日對住林正峰嘞。今次我個角色都有挑戰性，講我原本係空姐出身，輾轉就同吳偉豪打拼創業，接觸得多發展出真感情。我好鍾意個劇本，有部分係探討年輕人做老闆嘅經歷種種。」

至於今次感情線，她形容似談純愛，自己與吳偉豪只是點頭之交，間中於工作場合碰面，故相信今次可以為觀眾帶來新鮮感。而游游坦言自己雖喜歡演戲，但認為「演員」只是她人生其中一種職業：「都有諗過創業嘅，但暫時未有具體諗法，不過我份人咁鍾意食嘢，同對飲食算有要求，好想試吓做食評KOL，可以寓工作於娛樂。」