新歡有男友？張天賦畀屋企塊鏡出賣　被指蜜會長髮女

樂壇新人張天賦（MC）憑歌曲《記憶棉》等上位，不過佢嘅緋聞同佢嘅作品一樣咁精彩，繼先後與兩位人妻鍾卓穎（Ash）及Santis傳出緋聞後，今日（4日）再被網友爆疑似在家蜜會長髮女，而呢位長髮新女同Ash及Santis都有一個共通點，就係都有另一半，網友指呢位新歡都已經有男友，未知MC是否做第三者介入其中。

而網友提出嘅證據就係MC屋企塊全身鏡，網民「柯南」上身，指MC在家的自拍照中，發現該名「新歡」亦使用同一塊鏡自拍，從照片中嘅細節嚟睇，牆身直紋都一模一樣，不過可能都係牆有相似，是真是假就只有MC先知了。