好在阿嬌走得快！賴弘國6年娶3個老婆　前妻：一定要試婚

女星鍾欣潼（阿嬌）嘅前夫賴弘國日前被爆雙喜臨門，同女友Alice求婚成功兼升呢做老竇，而一直密冚戀情嘅佢未有否認婚訊，仲承認已有穩定嘅對象！其實賴弘國前年同阿嬌離婚嗰陣話過唔再結婚，估唔到離婚唔夠2年，喺大年初一（1日）爆出同空姐女友Alice求婚成功，喺6年內結3次婚嘅紀錄，亦令到網民好震驚，有唔少網友都唔太睇好，仲有網友話「好在阿嬌走得快」，暗指賴弘國嫁唔過呀！

而佢嘅第一任前妻有「空界林依晨」之稱嘅趙筱葳（Ivy），近日於網上頻道講到愛情觀，被問到是否認同婚前要同居，Ivy就毫不猶豫咁話：「一定要先試婚啊，我覺得試用、試車也是需要的。」至於接唔接受先有後婚，佢就話可接受，但要喺大家都有共識想照顧好下一代先諗生B：「我覺得結婚跟有小孩是完全不一樣的事。」不過，佢認為自己並唔一定要生小孩，亦冇必要因為身邊親友嘅催促，或者係年紀等因素而生：「要真的好好教育下一代，再把他生出來，因為那個責任很大。」