葉巧琳自認寸嘴!陳葦璇原來係自戀狂
![](/mobile/img/bt_TT.png)
![](/mobile/img/bt_share.png)
《全民造星III》亞軍陳葦璇(Kira)聯同歌手好友葉巧琳(Mischa)和演員柯煒林(Will)齊動畫配音。由於是3位首次聲演,導演作出特別安排,Will表示:「有配音領班教我哋,佢會先聲演一次,我哋就跟住學吓佢啲語調去做。」聲演「牛牛」的他,因角色已人性化,不用刻意學牛牛聲,但就要用聲音演繹出個性,他又說:「佢係一隻極度自戀嘅牛,會教人做戲,之後沉醉喺自己嘅世界裏面。(似唔似你,有冇自戀?)我唔似佢完全唔介意畀人知有自戀咁囉,我有時做戲做得好時,會自己讚吓自己。」
Kira就羡慕可以扮「牛牛」,又直認也是自戀狂:「覺得喺舞台上嘅表演者,特別需要有啲自戀,同埋好多人問我喺跳舞時,啲表情係點樣練番嚟,其實我係對住塊鏡,睇吓自己邊個角度同眼神靚啲。」聲演狼女角色的她就話:「佢隻富二代嘅狼,但從來唔覺得自己演戲『屎』,呢個先係好笑同埋矛盾位。」
至於Mischa就聲演一隻寸嘴、自信又厭世的貓,她說:「佢會教另一個猩猩角色去跳舞同唱歌,都幾似我。」自認私底下都「幾寸嘴」,所以才被邀請演出,又說:「導演覺得我可以做到嘴賤效果。」
動畫本於農曆上映,可惜受疫情影響,戲院要閂門要延期,不過新年時,Kira已安排好節目:「開枱打牌幾好呀,因為要可以四個人,上星期我要入Camp拍真人騷都帶麻雀,唔好誤會我大癮,只係喺等埋位先開枱。(夠麻雀腳?)好多架,一問邊個想打,就好多人排隊。」