「蟲草大王」陳恩德自爆向李佳芯拜年　有冇食檸檬？

藝人張偉明、林希靈、黃愷怡及「蟲草大王」陳恩德今日（7日）出席活動，張偉明表示剛由外地登台後回港不久，他說：「去完美國唱歌，遲啲會同自己隊樂隊出歌。（登台發新年財？）都算嘅，唔係點夠返嚟隔離21日嘅酒店錢，哈哈。」他指酒店隔離令他學會早睡早起，談到與無綫合約問題，他說：「合約到4月，唔知要唔要還騷，等公司決定。」他指公司仍未與他商討。

已離巢無綫的兩位前《東張西望》主持林希靈與黃愷怡被問到近況，林希靈表示正為電台拍攝節目，她說：「拍緊一個減肥真人騷，不過我係做主持，同埋搞自己嘅糕點生意，成績都唔錯，農曆新年賣咗幾千底。」黃愷怡則表示正發展自己的KOL頻道，希望大家能在《東張》外看到她的另一面。

與藝人李佳芯（Ali）傳緋聞的「蟲草大王」陳恩德，表示早前有以短訊方式向對方拜年，他說：「不過冇留意佢有冇回覆。（抽廣告件事樂易玲有冇聯絡你？）唔太清楚，因為廣告方面係由我啲同事負責。」