唔係郭雪芙！王子突然攬女放閃送驚喜

台灣男星邱勝翊（王子）上年同鄧麗欣分手之後，感情一直都未有着落，之前被傳撻着台灣「仙氣女神」郭雪芙，不過雙雙都否認戀情，佢尋日（7日）突然喺社交網晒出攬女嘅相放閃，唔通想公開戀情，令到網民都好驚喜！不過一眾粉絲唔使咁開心住，佢留言：「She asked.I say no.」原來佢只係模仿台灣節目《全明星運動會》，紅隊經理人粿粿（江瑋琳）被男友范姜彥豐求婚成功之後，喺社文網晒出嘅合照同發文內容咋！

王子呢次將同為《全明星》紅隊成員嘅宇宙（林思宇）一擁入懷，而對方就露出怕醜笑容，並將類似繃帶嘅白布包住無名指扮婚戒，真係模式到十足，網民都畀佢哋嘅互動笑爆嘴，大讚：「這CP感濃到爆啦！」仲嗌佢哋不如考慮發展吓添！