汪詩詩做「跟得夫人」陪北上開工　甄子丹High爆覓食

「宇宙最強」甄子丹去年於法國拍畢新戲後，返港與家人敍天倫，不過轉眼間佢又再度離港北上工作，但原來此行佢帶埋太太汪詩詩及囡囡甄濟如（Jasmine）同行，趁未開工於雲南西雙版納遊覽一番。子丹於社交網大晒多張靚相，見佢哋去到佛寺參拜，又欣賞沿河景色，兼大歎當地美食，其中最令子丹難忘嘅，就係雲南過橋米線，事關呢碗並唔係普通嘅雲南米線，而係超巨型米線，個湯碗差唔多有兩個頭咁大，當係配料都有10幾碟，難怪子丹食到勁興奮，佢表示：「中國成千上萬種不同且獨特的美味麵條之一！」