周子瑜驚喜「現身」《殭屍校園》成網民熱話

韓劇《殭屍校園》熱爆全城，播出後話題不斷，近日就爆出原來韓國女團Twice嘅台灣成員周子瑜都有「參與」其中「客串」演出！其實有網民發現第2集教室牆上嘅畫作，有兩張作品正正係周子瑜及另一女團OH MY GIRL成員YooA嘅素描，令網民大感驚喜，亦帶挈劇集再成熱話。其實子瑜向來深受網民愛戴，一舉一動都成為焦點，早前佢剪去長髮，變成及肩短髮，即登上話題熱搜榜，有高達50萬人討論其新髮型，而日前佢開直播講到新髮型，就自言非常滿意，仲話冇特別原因，只係突然想剪短。