初恋Feel！吴启华囡囡做网红狂晒自拍吸Like

艺人吴启华与内地前妻石洋子育有一名13岁囡囡吴熙儿（猪猪），早前有指佢想将阿女打造成新一代网红，每月豪花20万人民币（约港元22万），畀前妻同囡囡做生活费。估唔到过咗几年，吴家有女初长成，猪猪依家已经亭亭玉立，少女样出晒嚟，佢亦同时下少女一样爱自拍同扮靓，多次晒出好有网红风格嘅相赠网友，加上妈咪石洋子同样行网红路线，一齐夹击网友，唔怪得最近猪猪晒相时，就已经有网友大嗌“恋爱了”，狂赞佢嘅清纯感觉令人有初恋Feel！