被女友劈腿背叛！張馳豪作曲靈感靠失戀

無綫《聲夢傳奇》學員張馳豪（Aska）在劇集《青春本我》中是學校的風頭躉，受到女同學歡迎，但現實卻是兩極。自言不擅追女仔，亦不愛夜蒲的他更先後被兩個女朋友「劈腿」背叛，令到他相當傷心。希望做唱作歌手，目標有自己創作專輯的他，為《青》寫了多首歌，作曲靈感不絕則要多謝失戀，他笑說：「最大嘅靈感來源係失戀，失戀時候感情最豐富，靈感不停咁湧住嚟，一日可以寫3、4首歌。」

身高185cm高大有型的Aska經歷過兩次情傷，同遭背叛，他說：「兩次都幾慘痛，都係畀人『劈腿』，自己唔擅長Long D，將來都會盡量避免，好唔鍾意冇得面對面講嘢，淨係對住電話、短訊，有時都唔知對方嘅真正諗法，搵女朋友首要係專一，能夠舒服溝通。」

暫停修讀第二個碩士課程

Aska為唱歌暫停修讀第二個碩士課程，雖然有點可惜，但亦沒有後悔，他笑說：「嚟緊會主力唱歌，睇返第一次拍劇《青》好尷尬，初頭覺得演出好差，後面就好番啲，都想有機會再拍劇、電影，對演出興趣好大。」

場地：Pier 1929