又中港姐分手魔咒!黃嘉雯王菲甩拖齊齊喊

20220213
東網電視
更多新聞短片
2019年黃嘉雯與王菲情同親姊妹,當選後同獲無綫力捧,沒料兩人於感情上的經歷也相似,去年與感情穩定的男友分手。黃嘉雯參選港姐時已有位外籍男友Matej,不時被拍得約會,愛得癡纏,她更曾於訪問中表示無懼港姐分手魔咒,即使拍攝劇集《把關者們》期間,被指與名草有主的陳家樂秘撻,但也揚言男友對她絕對信任。不過,近排卻鮮有見她放閃,直至早前接受東網專訪時,她才自爆已回復單身,為免外間太多揣測,她表示雙方已分開一段時間,問到有否感到可惜?她眼濕濕說:「如果唔合適,分開都好,其實雙方文化都有影響,之後對感情事會隨緣。(男友係咪畀你啲新聞影響到?)唔關事,記得舊年我有緋聞時,大家都未分開。(分手好耐?)半年左右。(好傷心?)都會,依家會專注工作。」
單身過情人節
而王菲本來有位相戀6年的圈外初戀男友,相當甜蜜,不過自從她一劇接一劇,鮮有時間與男友見面,雙方距離亦愈拉愈遠,最終於去年走上分手之路,即將來臨的情人節,將會是首次單身度過。對於這段逝去的感情,王菲一臉淡然:「同男友係咁多年都冇嗌過交,大家仲係好朋友,會祝福對方,分手係因為想法唔同,係會不捨,亦喊過,不過佢都有新生活啦,我都好祝福,佢係好好嘅人,咁樣嘅結果對大家都好,依家想專注工作先。(好多港姐入行後都分手收場!)係囉!可能大家圈子唔同,少咗時間見,始終生活都要繼續,所以我用咗半個月已經接受咗呢件事。」她更透露分手時,雙方分享不少逸事,又笑又喊,有很多美麗回憶,雖然有少許可惜,但認為這種再見亦是朋友的關係,也實屬不錯。