再度秘密生B！楊秀惠情人節宣布細女出世

藝人楊秀惠前年於馬來西亞秘密生女，去年回港打理生意兼過新年嘅佢，原來已秘密懷有第二胎，呢日仲趁住情人節宣布已經生B，仲透露今胎都係生女！佢一如以往喺社交網晒出一家人拖手相，由3隻手變成4隻手，佢表示：「非常開心，在農曆新年來臨前，我們家裏增添了一位新成員，一家三口變成了一家四。雖然非常忙碌，但我們全家人都非常開心和興奮小妺妹的到來。見到姐姐非常疼愛妹妹，主動抱抱錫錫妹妹，就感到無比的開心和感恩。祝大家新一年身體健康，心想事成，一家平平安安，情人節快樂。」

其實睇番佢嘅社交網，過去半年嘅相大多數都係遮肚，或着鬆身衫示人，而日前佢甫出自拍照，仲明顯睇到臉上有水腫，相信當時正準備臨盆。楊秀惠接受東網訪問，表示：「BB 重6.8磅，生產好順利，BB年初一返屋企，可以感受到農曆新年氣氛，家姐好錫妹妹，見到佢好鍾意妹妹，自己都好開心。（這段時間疫情期間有冇特別措施？）疫情期間樣樣都好小心，除咗去醫院之外，邊度都冇去，生產兩個月前，到依家都冇出過街！」