睇大結局睇到爆喊　姚焯菲有花收即笑番晒

由聲夢學員主演嘅《青春本我》昨日（13日）大結局，一班演員相約齊齊開Live陪大家睇大結局順道宣傳今日（14日）推出嘅原聲大碟，其中姚焯菲（Chantel）與炎明熹（Gigi）、鍾柔美（Yumi）及張馳豪（Aska）開直播時，Chantel就因為睇結局睇得太投入抽離唔到不停爆喊，眾人即紛紛安慰，Gigi更笑指：「我唔會喊因為我唔想補妝！」氹得Chantel又喊又笑。佢哋仲趁機大做「2」字手勢，集氣希望劇集可以加開第2輯。

雖然尋日唔捨得大結局搞到喊晒口，不過Chantel今日同朋友相聚，身為「國民初戀」嘅佢仲有花收，即時笑番晒，唔知邊位男仔咁幸運，可以向女神送花呢？