任賢齊買花送老婆 冇帶銀包向助手度幾舊水解救

20220214
東網電視
更多新聞短片
歌手任賢齊趁今日(14日)情人節,誠意向粉絲送上「花好月圓」的祝福。佢喺社交平台上載咗一件短片,影咗住去花墟買花,不過搞笑係當畀錢時,佢發現銀包喺車度,即係冇錢畀,好在身邊嘅助手幫到佢,立即借幾舊水去找買花錢。
之後又影住佢開始插花,佢用代表情人嘅紅玫瑰砌咗個心形出嚟,之後再加啲毋忘我及菊花等,不過佢要求好高,嫌棄話:「我覺得太高、太散!」所以拆咗再砌過,不過完成後,都係唔滿意,再說:「都是插得太高、太散!」決定插第三次,佢邊插花邊說:「我想這個其他都是其次,最重要是心意,送甚麼東西,價值都在大家心中。」當佢大功告成,捧住一盤靚花時,佢又話:「呢盆花好月圓,感覺圓圓滿滿,其實情人必備嘅係真心真意。」