隨時加第4季 林心如爆霍建華接《華燈》終極條件

2022年02月16日 20:02
東網電視
更多新聞短片
憑台劇《華燈初上》人氣再度急升嘅台灣女星林心如,佢又做主角又做總製作人,早前已宣布第3季將於下月18日上架,預告片都出埋吊人癮,今日(16日)林心如現身口服美容產品代言記者會時,就透露考慮緊開拍第4季:「不是不可能,但編劇說必需想出更好的故事內容,否則第3季已經死了一個人,第4季總不能又要死一個人吧,不能為了拍續集而重複老哏!」而且如果要拍,就應該會同電影版同步進行。
佢又提到,當初畀咗幾個角色老公霍建華揀,不過霍建華只係得一個接拍條件:「選最輕鬆的!重點是幫你(林心如)客串,並不是要甚麼樣的角色,最重要是不要太累的!」後尾決定畀佢演「馬天華」,搞到林心如要嗌編劇急煞車,唔好再寫太多枝節。而老公都係睇完劇本先知要畀佢摑,至於是否有因此後悔?林心如笑答:「本來就是說好要拍之後才給劇本,怎麼可以反悔呢?他也不會問說為甚麼要打,反而是我跟導演說沒必要打呀。找不到要打的理由,因為『羅雨儂』自己打完也往後彈、也是很害怕,但導演覺得有這必要,我還現場廣徵工作人員『要打嗎?』意見,結果大家都說『打』。」
佢仲諗起場掌摑戲一共拍足3、4次,而且一定要認真打:「他也不是第一次被我打了,在《傾世皇妃》就被我狠狠打3巴掌,他皮膚又白,所以臉上印子都很明顯,但我們都是專業演員,他自己拍打人的戲也都打真的!」問到下手時是否有手軟?佢話:「我們還是有些技巧,不是真的『啪』打下去,會用指腹比較不會痛。拍完有請他去吃飯,我每天都等他收工,那次拍完結束特別請他去吃消夜!」
林心如也透露在成功打造《華燈》之後,今年七月將再製作一部新戲,但因為係偏男生、探討生死議題嘅題材,所以佢自己唔會演出,而霍建華亦唔會參演。佢又提起過年期間,親友都追問佢《華》凶手係邊個,更加好友試圖灌醉佢套料。