Ian新歌MV上載3日破200萬點擊　激罕放閃冧女友

人氣男團MIRROR成員Ian（陳卓賢）同女友盧慧敏（Amy）愛得低調，雖然已經係大家公認Sweet爆嘅一對，不過佢哋就鮮有放閃，反而就令網友對二人嘅煙韌生活更加好奇。咁啱Ian就揀咗喺2月14日上載新歌《留一天與你喘息》，雖然MV女主角係搵嚟好友「文青女神」袁澧林幫手，不過都被粉絲認定係「愛的冧歌」，用嚟氹Amy，估唔到MV上載僅三日，就已經衝破200萬點擊量！

唔知係咪新作反應好搞到Ian都心情靚靚，佢就罕有地去到女友社交網留言放閃，見Amy晒出兩張索相，發文指祝願各人都搵到一齊瘋狂面對世界嘅人，Ian公開寫道：「I think Ive found one（我想我找到了）。」一個簡單留言即刻吸咗超過12,000個Like，晒恩愛威力同樣驚人。