黎諾㦤留家抗疫　陳敏之買定藥品擺屋企

由於疫情嚴峻，無綫一連四晚推出節目《爭分奪秒同抗疫》分享最新防疫資訊，在新一集中請來已為人父母的藝員黎諾㦤及陳敏之擔任嘉賓，暢談兒童及外傭抗疫問題。

敏之表示有買定藥品在家中以備不時之需：「因為依家醫療系統負擔好大，如果自己搞得掂就留喺屋企。屋企嘅工人姐姐已經打咗3針，佢哋需要出去買餸，我會畀防護性高嘅口罩佢哋戴，一返嚟就要沖涼，啲衫拎晒去洗。」至於5歲大的兒子就很久沒有出街：「佢都唔會太悶，佢要上Zoom堂，我有買積木畀佢砌，買啲難度高畀佢砌，畀佢消磨時間。」敏之指會軟硬兼施向兒子解釋現時疫情的嚴重性，兒子很乖會經常洗手，並正考慮是否讓兒子接種疫苗。

黎諾懿稱大仔小春雞已打針，但都盡量避免帶他外出：「因為小朋友唔識照顧自己，會喺屋企陪佢玩、教佢嘢。我知工人姐姐好多時會聚集，但我屋企嘅工人姐姐會喺屋企放假，買完餸就返嚟，所以冇得聚集，佢哋好乖，佢哋都好明白。」