容祖兒化身奧運選手打波　被封人生勝利『祖』

天后容祖兒因北上拍劇喺酒店進行隔離，由於太悶關係，每日都要搞搞新意思，繼日前post完射箭同吸塵片之後，尋日（19日）佢又有新搞作，就係打波啦！

片中見佢一身睡衣偽素顏look，拎住塊球拍打波，自得其樂。原本Joey連接幾球，好似技術唔錯，點知反手接球個時失手，搞到佢即刻垂頭喪氣，仲整埋烏鴉effect，畀網民睇佢個「烏龍樣」，相當搞笑！

一班Fans都留言話：「儲埋咁多絕技可以參加奧運啦！」、「隔離到你咁充實真係人生勝利『祖』！」、「奧運選手容祖兒！」等，唔知呢位樂壇天后下次又會玩咩呢？真係令人期待！