拍打戲上癮！劉佩玥期待再做打女

藝人劉佩玥(Moon)昨晚於無綫劇集《鐵拳英雄》中最終登場，以「正版青心」身份現身，與劇中親生母親元秋上演一幕溫情戲之外，二人更齊齊打退敵人。Moon接受東網訪問時，坦言今次雖然是客串身份，但繼《城寨英雄》後可以跟秋姐合作，超級開心，她謂:「我本身好鍾意秋姐，見番佢有久必重逢感覺，之前喺《城寨英雄》最後我有同佢打，但段落好少，今次就打多咗幾拳，真係好緊張，因為呢場講我哋母女相認，要畀到大家一個好圓滿嘅感覺，覺得自己任務好重要，唔想師傅失望，秋姐佢好好，佢拖慢啲節奏嚟就我。」問到對打戲會否加深興趣時，她謂:「之前拍埋都係文偉鴻監製嘅《隱形戰隊》，再打多啲，開始對動作戲漸漸有興趣，希望之後再有機會做打女啦！」