張兆輝留家抗疫玩狗　意外曝光千呎豪宅無敵海景

近年於內地人氣高企接戲不斷嘅藝人張兆輝早前返港，除力撐香港影壇為培養新血嘅新片開工外，閒時則會留在家中抗疫，更於社交網不時晒出「居家抗疫日記」影片，其中新片佢大晒於露台與狗狗嘅互動日常，同時意外曝光其貝沙灣千呎豪宅嘅無敵大海景，而日前情人節，佢更準備好香檳及鮮花，與太太一同喺露台，望住海景加日落，相當浪漫。其實張兆輝向來投資有道，不但經營美容王國，更進軍樓市買磚頭升值，成功細屋搬大屋，於2010年豪擲2,236萬元購入貝沙灣個1,200呎單位自住，成為圈中數一數二嘅億萬富豪。