疫情嚴峻！Patrick Sir林溥來一家三口低調慶生

藝人林溥來(Patrick Sir)日前45歲生日，基於本地疫情嚴峻未有大肆慶祝，只與太太關宛珊、10個月大囝囝Preemo及愛犬於屋企切蛋糕簡單慶祝，Patrick還把片段上載社交網，短片中夫婦二人大唱生日歌，期間他做出古靈精怪表情，逗得Preemo哈哈笑不停，非常可愛。

Patrick接受東網訪問時也忍不住大讚囝囝可愛，笑聲豪邁，不過笑點非常低，只要他與太太笑便會跟住笑不停。談到生日願望，Patrick說:「真係想去旅行透吓氣，同埋好希望疫情唔好咁嚴重，連出街都唔得，Preemo呢個年紀，好想帶佢出去多啲街，探索多啲嘢，但偏偏依家出街好危險，所以只可以喺屋企同佢玩，我返咗工就視像返嚟，佢開始識睇手機Mon，會望住想講嘢，我睇到都開心。」