好好先生形象幻滅！明道發火爆粗鬧童星

憑台劇《王子變青蛙》爆紅的台灣男星明道向來係好好先生，不過近日佢被爆出為新劇《夏末初見》拍賀年宣傳片時，竟然動怒對童星爆粗，甚至一度憤而離場，消息令人震驚。從網上流出嘅短片可見，當時童星坐喺女星黃奕腳上，而明道則在旁邊，惟開始拍攝時童星頻頻忽視現場指示不願配合，明道即面露不悅，更低聲斥：「媽X，不要浪費我的時間行不行」，豈料童星繼續搗亂，明道再怒斥：「等你玩完再錄」，然後轉身離去，全場氣氛尷尬，不過最後明道都有返回現場完成拍攝。

片段流出後，網民指明道的確欠耐性，但亦直指該童星不專業，對此明道透過經理人回應，指當時距離殺青只剩數天，每日都與時間競賽，加上持續開工令身心俱疲，體力幾乎不支，而且小朋友嘅配合程度未如理想，故令佢一時意氣，不過佢就承認無論如何都唔應該情緒用詞，為此感到抱歉，又自言係新手爸爸，現正學習跟孩子溝通，希望大家能多多指教。而該童星嘅媽媽就公開片段道歉，指無意抹黑明道，指女兒要學習的東西很多，並為影響男星演藝事業深感內疚。