化身壞女孩！岑麗香黑夜跌膊晒線勁誘惑

前華姐冠軍岑麗香（香香）近日頻頻派福利，一輯出海靚相引起網民熱議，向來形象甜美乖乖女嘅佢，今次再化身「壞女孩」大玩黑色誘惑，一身黑色皮革吊帶長裙配皮褸，夠晒玩味，完全搣甩昔日畀人斯文乖巧嘅既定印象，其中一張近鏡相中，見佢拉低外套玩跌膊，再騷出成吋長事業線，加埋迷人電眼，非常養眼！佢昨夜（20日）凌晨2點晒出靚相，笑指特登揀張夜景相襯番深夜時間。