粗口辱罵婦孺　明道忽然賣慘：我父親中風

台灣男星明道連日被爆出用粗口辱罵童星及內地女星黃奕，名聲一朝喪，依家背上「冇品」之名嘅佢，就同台灣媒體訴苦，指自己嘅父親中風、母親身體亦唔好，原本係孝順仔嘅佢，今趟返台灣就幾乎全心都陪伴二老， 只係3月底佢就要返內地為音樂劇《趙氏孤兒》巡迴演出，更為此陷入自責和掙扎，極為痛苦。

消息講到2020年明道大哥帶住妻兒輕生身亡，明道成為父母唯一支柱，身為兒子嘅佢根本放唔低心思，透過經理人表示：「照顧父母本來就是我應該做的，他們很辛苦把我養大，現在應該需要我來陪伴他們，我年輕時，覺得只要努力工作就可以讓父母過比較舒服的生活，這幾年明白父母也需要陪伴，希望疫情能盡快結束，讓我能兼顧家庭和工作。」

而佢經理人亦幫佢講好說話：「他前年離開台灣工作，也不能隨時回去看顧父母，雖然可以視訊，有看護人員，但父母有甚麼狀況他不能親自處理，對於不能照顧父母非常自責、焦慮！」而明道去年農曆年因工作關係未能返屋企，今年佢就話點都要返嚟陪父母，畢竟自己已係家中「獨子」。