李冰冰唔做《極悍巨鯊2》　混血囡囡隨時上位

荷里活片《極悍巨鯊2》（內地譯名《巨齒鯊2：深淵》）早前宣布將由內地藝人吳京擔綱演出，將會同另一主角兼荷里活動作巨星積遜史特咸（Jason Statham） 聯手合作，電影預計明年即2023年上映。而《極》片首集就由內地女星李冰冰拍住積遜史特咸做主角，不過據外媒《Variety》報道，李冰冰唔會喺《極2》中回歸，不過當年飾演佢女兒嘅童星蔡書雅則將繼續出演。

雖然大家冇睇再睇李冰冰嘅英姿，但係依家已經大個女、即將14歲嘅蔡書雅，就分分鐘成為新睇頭，網友指續集起用番舊人，估計故事內容會係上集嘅一個延續，猜測新片內容可能會有更多囡囡嘅鏡頭，身為中英混血兒嘅蔡書雅可能隨時上位，成為荷里活新星。