黃翠如疫情冇得聚視像見契女勁衝動：好想抱下

藝人黃翠如同洪永城（Tony）向來老友鬼鬼，去年底Tony嘅囡囡出世，翠如仲做埋小朋友嘅契媽。不過，由於第五波疫情嚴峻加上禁止跨家庭聚會，所以佢要見契女都有難度，只可以隔住個芒視像見面。

昨日（27日）翠如就喺社交網上載咗佢同老公蕭正楠，同洪永城一家三口視像嘅截圖，翠如同阿蕭見到契女個表情完全一致，都係笑到見牙唔見眼，流晒口水咁，佢留言話：「我契女，棉花糖一樣，好想抱。」洪永城太太梁諾妍代囡囡回覆話：「洪寶寶：契媽抱抱」翠如即時母愛氾濫話：「救命，我衝嚟你屋企㗎喇」網友見翠如咁鍾意小朋友，紛紛留言催佢哋快啲生番個。